الحفل الختامي

يوم الخميس كان حفل ختامي الأنشطة في قاعة المؤتمرات في  جامعة الملك عبدالعزيز
من بداية الموضوع ماكنت متأكدة إني بروح بسبب أنو ابويا عنده زواج بيحضره في مكة و اخويا كمان والسواق مسافر! حسيت بإحباط Sm205
لأنو قبل هالمرة ما رحت لمؤتمر العزة في شبابي بسبب السيارة ، المفتروض أكون هناك قبل المغرب بساعة لحد بعد العصر وانا مو عارفة اذا بروح او لا المهم جا ابويا قال يلا جهزي بوديكي Shaden

المهم جهزت وكانت نفسيتي نص معكرة Bubblegum بس ما وصلني ابويا الجامعة إلا وفيا طاقة إيجابية Sm133 ونسيت كل التعكير اللي صار يارب خليه واحفظه يااارب 117 قبل انزل من السيارة قلت له ابويا ادعيلي قال اهم شئ اقري على نفسك وربي يوفقك كان نفسي ارجع اسلم على يده Hearts36
نزلت و أنا مبسوطة قد الناس تصلي المغرب صليت و لقيت بنات القروب و قالو وقفوا في طابور ومدري ايش تبع لجنة التوعية الإسلامية ، اللجنة فيها كذا قروب ومنها قروبنا Sm122 صح افقتدت إيمان باشماخ و نجود وهدى بنوتات يارب تكونوا بخير Flow
وانا وافقة في وحدة تحكي وانا افكر ياناس اعرفها بس مترددة اكلمها مدري ليش واليوم تأكدت إنها رنا كاتبة مذكرات ممرضة كان المفروض اقولها انتي رنا بس مدري ليش ترددت Fever المهم نزلنا في المسيرة انا ما شفت المسرح بس لما دخلت خفت المسرح كله مليان بس اماكن طالبات اللجان قدام مافيها احد طلعنا عالمسرح تتقدمنا شيماء قائدة فريقنا ونزلنا جلسنا وبعدها كل اللجان ، قبلنا كانت لجنة ذوي الإحتياجات الخاصة Heartbeat يارب أكثر ناس يحسسوك أنه الدنيا أمل مافي أي شئ يعيق صاحب الطموح
بعد ما جلسنا بدأو بقرآن طبعا وكلمة وكيلة عمادة شؤون الطلاب لأنشطة الطالبات ناسية اسمها بس د.مديني وبدأ عرض رااائع قفلوا الأنوار وبدأت ايقاعات ودخلوا من زوايا المسرح بنات معاهم شموع و بدوأ بالإستعراض كان راااائع ومتقن ماشاء الله عليهم Sm87
بعدها بدأو بالكلام عن الحب لأنه أساسا كان بإسم أمة الحب طالبتين ما أعرفهم كانو بين الفقرات يطلعوا عالمسرح يتكلموا ماشاء الله إلقائهم و وقفتهم عالمسرح رائعة الله يحميهم بعد كذا بدأت الأناشيد و فقرات رااائعة
كان في نشيد ما اعرف بس عن الجامعة ما اتذكره نفسي اسمعه مرة ثانية كان رائعة حركات البنات ماشاء الله عليهم Sm111
المهم وانا جالسة احس قلقانة عشان ابويا ابغى اطلع بدري عشان يروح مابغى أأخره وكلمته قلت له التكريم نهاية الحفل تبغى اطلع ذحين اطلع قال انا عند أختك طالع وجايك بعدها معد دق عليا ارسلت لأمي مسج على اساس يكلموه وكذا قالت لي هوا في صلاة العشاء بعدها يدق عليكي واستمناه مادق !
اتنهى الحفل و وقت التكريم اتصلت عالمدونة والفنانة المبدعة بيان وتشرفت بيها وبلقائها الله يسعدها Nf
واتصلت على ابويا وقلت له خلصت انتا وين قال اطلعي وامشي غرب تلقيني << ابويا ما يوصف إلا غرب شرق شمال جنوب ودايم اذا قلنا ما اعرف كيف يقول ماتعرفين شمالك من يمينك لول Icon11
المهم اني عرفت غرب ونزلت لقيته وطلعنا السيارة وجلست احكي بحماس وبعدين قلت انتا ليش ما جيت بدري قال دامك بتنبسطين قلت خلي اكمل جميلي معاكي وانبسطي انا اخوك قلت له يروح الزواج ويعتذرلي منهم  يالله يا ابويا احبك 004 ورجعت البيت وانا قمة في الإنبساااط الحمدلله
بجد أحب جامعة الملك عبدالعزيز بغض النظر عن بعض الأخطاء Cool Shades
!

احس من زمان ما ثرثرتParty1

Advertisements

12 تعليق to “الحفل الختامي”

  1. الإعصار الأحمر Says:

    النشيد يكون نشيد الجامعة تحصلي في موقع شؤون الطلاب على ما اعتقد

    احس عندكم انشطة كثيرة مفعلة
    ممكن عشاني مشغول بالسنة التحضيرية وما شفت الانشطة

  2. Rose Says:

    اوكي بدوره واشوف لأنه مرة عجبني
    ضغط السنة التحضيرية يضيع اشياء حلوة كثير
    في عندكم اظن انشطة كمان ! لأنه عندنا لما صار ملتقى هويتي اظن صار عندكم كمان
    يالله بالتوفيق مابقي شئ ونخلص إن شاء الله
    🙂

  3. عبدالرحمن حركاتي Says:

    ما شاء الله 🙂
    ربي يوفقكم جميعا يارب

    وربي يخلي للوالد حبيبته 🙂

  4. .: B . A . Y . A . N :. Says:

    فعلاً الحفل كان جدا رائع وبصراحة اتفاجئت بهذا الكم الهائل من الإبداع ومن افضل لافضل بأذن الله

    ..

    بالنسبة للطالبتان واحدة منهنْ اسمها افنان تعرفت عليها منذ فترة بسيطة وماشاء الله عليها ابهرتني بأسلوبها الجميل ..

    واخيرا انا التي تشرفت بمعرفتك وان شاء الله يكون بيننا لقاء اخر في الجامعة 🙂

    تحياتي .. بيان باربود

  5. رائد Says:

    ماشاء الله …

    ربي يوفقكم

  6. Rose Says:

    عبدالرحمن
    يارب ويوفقك
    آمين ويخلي لك من تحب
    🙂

    ـــــ

    بيونة
    ماشاء الله ربي يحميهم أبدعوا
    تسلمين الشرف ليا حبوبة
    أكيد ^_^
    حياكِ الله
    🙂

    ــــ

    رائد
    شكرا كثير
    🙂

  7. سنة أولى جامعة « Flowers Revelation Says:

    […] و بدأ ملتقى هويتي الذي للأسف لم أحضر منه سوى جزء من محاضرة د.ميسرة طاهر و محاضرة علماؤنا التي شاركت فيها مع فريق هويتي وبعد كل ذلك بدأت اختبارات الدوري الثاني و بعدها بإسبوع بدأت اختبارات نهاية السنة و قبل الأختبارات كنت حضرت الحفل الختامي لنهاية الأنشطة بعنوان (أمة الحب ) . […]

  8. mini Says:

    حقيقي فرحتيني..
    أنا كنت ضمن طالبات فريق العرض الرياضي.. وريحتيني انو من جد فكرة الحفل كانت حلوة..
    احنا كنا من كل قلبنا نتمنى ان فكرة الحفل توصل للحضور..

  9. mini Says:

    وعلى فكره النشيد الي ف المسيره كان نشيد ( بنت العلا )

    وهوا كان اهداء من جامعة الملك عبدالعزيز لخريجاتها دفعة ( 1428_ 1429 ).. واذا تحبي..

    ممكن نتقابل السنة الجية انشالله .. واجيب لك السي دي..

  10. Rose Says:

    ميني
    وأنا ننبسطت فيكم و بإبداعكم كثير
    إن شاء الله حأرسلك ايميل
    وحياك الله
    🙂

  11. coog one Says:

    السلام عليكم
    عزيزتي اسمحيلي أتطفل عليكِ شويه
    أنا دخلت هنا بالغلط على فكرة
    بس مرة أنبسطت من كلامك, ومن “فظاعة أبوكي” ما شالله
    “الله يخليلك هو” ياااااااااارب
    نسيت أعرفك بنفسي أنا كنت وحده من بنات العروض إلي إنت شفتيهم,
    والنشبد حق الجامعه إلي عجبك هو ” نشيد ملتقى هويتي” إلي كان في قاعة المؤتمرات
    بدايتو: بالحب نلتقي وبالمودة فمرحبا بصفوة الأحبه
    ونلتقي على العطاء والصفاء وعلى الهدى في ملتقى هويتي
    هنا يشع الفكر يسطع السنا هنا يكون القول طيب الجنا
    جامعة الملك عبد العزيز تبقى منارا ساميا كالنجمة
    تبقى منارا ساميا كالنجمة

    أما النشيد الأول إلي كنا شايلين في قناديل اسمو “شمعة الفن” تلاقي في موقع ” عوّام ” للأناشيد

    من جد شي يفرح كتير الي أنا قريتو دحينا, وردود الناس تفرح أكتر
    وإن شالله نكون قدرنا ننصف” الحب” ونظهره بمظهره الحقيقي, الي لو ما أحد حس بي
    ماحيكون لحياتو أي معنى, ببساطه لأننا “” أمة الحب””

    تقبلي تحياتي.. موفقه.

  12. ام عصمان Says:

    صحباتي الحلوات
    وحشتوووووووووووووني
    وحمستوني للحفل الختامي كيف حيكون وشو موضوعة وكيف البنات
    طبعا اكيد تعرفوني انا الزولة ( ام عصمان ) روح فريق دعوة اكشن
    تمنياتي لكن بالتوفيق 🙂

التعليقات مغلقة.


%d مدونون معجبون بهذه: