الغايب عذره معاه

لي صديقة عرفتها من اكثر من سنة ونص تقريبا ومرة احترمها رغم قلة التواصل في بعض الأحيان بيننا إنسانة جدا راقية والكل يشهد لها بكذا.. قبل فترة صار في بيننا مصلحة ساعدتني في موضوع وقدمت لي شئ ماحأنساه طول عمري … صار بيننا مسجات جوال وزي كذا بعدين انقطعت فترة انا كنت مترددة ارسل من باب انو مااحب اني اكون ثقيلة او شئ من هذا القبيل .. لكن مرة قلقت عليها 😦 ارسلت لها يمكن مسجين او ثلاثة اسأل عنها ما ردت عليا … وانا ما احب اتصل بحكم اني ما اعرف متى الوقت المناسب لها وزي كذا .. احيانا يشطح بالي بعيد وانو وانو .. رحت قلت لأختي قلت يمكن هي ماعد تبغاني ارسل او او او … اختي بس قالت لي “التمس لأخيك سبعين عذرا” انا وقتها سكت قلت صح ممكن هي عندها ظروف تمنعها بس الحمدلله في شئ يخليني اطمن عليها من خلال كتابتها .

لما تقلقون على شخص معين ومافي اي وسيلة اتصال ايش تكون ردة فعلكم ؟!

Advertisements

9 تعليقات to “الغايب عذره معاه”

  1. esraa.$ Says:

    عن نفسي حسب الشخص و معزته

    ممكن أطنش و أقول إللي باعك بيعة

    ممكن أعيش على أمل إني أسمع عنه أي خبر

    و في أسوأ الحالات ممكن أمشي و أسأل عنه كل إللي يعرفوه

  2. Lost Soul Says:

    أهلا روز

    سؤال صعب، اعتقد يعتمد على مكانة الشخص في النفس ،،
    بس اعتقد اذا فقدت الامل بالاتصال فيه، بسأل عليه، بعيش فتره على امل انه يتصل بي،

    بس الحمدلله ما صارت لي “رسميا” حتى الان 🙂

    تحياتي
    في أمان الله

  3. ShjoOoN Says:

    روز ..

    سؤالك ضرب ع الوتر الحساس عندي ..
    حصل لي نفس الموقف .. وإلى الآن مافي لا حس ولا خبر عن هالشخصية صار لي سنة وشهرين
    ماكان فيه أي وسيلة اتصال غير الماسنجر للأسف 😦

    ولأنها شخصية جداً غالية على قلبي .. ولأنها تمثل لي الأخت اللي ما ولدتها أمي
    ما قدامي إلا الدعاء أن الله يطمنني عليها بأسرع وقت .. ع الأقل أتطمن انها بخير وبس 😦

    دعواتكم ..

    ———-

    بالمناسبة ..
    مدونتك جداً رائعة واسلوبك ومواضيعك ممتعة 🙂

    تم اضافتك لقائمة مدوناتي .. وبالتوفيق لك حبوبة ^__^

  4. همّة Says:

    عن نفسي أنا سأتصل عليه المغرب لأنه أنسب وقت لغالبية الناس فإن لم ترد أرسلت لها رسالة اعتذار وأخبرتها عن سبب اتصالي وقلقي عليها ، ثم أنسى الموضوع ..

    بارك الله في صداقتكما ..

  5. rose1990 Says:

    أهلا إسراء
    يارب ما تفقدي من تعزين 🙂
    منورة

    ــــــــــ

    أهلين لوست سول
    وإن شاء الله ما تمر بوقف زي كذا 🙂

    ــــــــــ

    أهلا يا شجون
    اللي يقلق انو الموضوع يصير فجأة وماتعرفين ايش تسوين بس نفسك تطمنين :/
    الله يطمن قلبك يااااااارب
    وشرفتني زيارتك ياحلوة 😳
    منورتني

    ــــــــــ

    أهلا بهمّة
    ممكن … بس مترددة 🙂
    الله يسعدك يارب منورتني يا مبدعتنا 🙂

  6. Amal Says:

    عن نفسي ساتصل.. و إن ماردت ارسل مسج اتمنى فيه ان يكون المانع خير

  7. كبرياء Says:

    روز..

    حصلي موقف..
    كانت وسيلة الأتصال الوحيدة بيننا الماسنجر..
    قلقت عليها بشدة..!
    أرسلت لها لم ترد..
    ولكن الحمدلله..
    عادت..

    أدام الله لكما صداقتكما..
    والتمسى لها العذر..

  8. rose1990 Says:

    أهلين أمل
    اممم ممكن 🙂
    وإن شاء الله ما تضطري يارب
    منورتني

    ـــــــــــ

    أهلا بكبرياء
    أهم شئ رجعت واطمنتي 🙂
    اللهم آمين
    شكرا لك .. منورة
    🙂

  9. طلال الحربي Says:

    ابحث عنة حتي اجدة طبعآ اذا كان عزيز على نفسي

التعليقات مغلقة.


%d مدونون معجبون بهذه: