ما يجي مني ؟؟

لما كتبت خاطرة سأكون حنين ونزلتها في المدونة قلت لجنجر اقرأيها قالت اوك وقرأتها كان تقولي : روز إنتي كتبتيها قلت لها ايوا أنا كتبتها كان تمدح ومدري ايش تواضعي يمنعني اني اقول ايش قالت الزبدة انها عجبتها …
بعدين جات أختي سومة وقلت لها شوفي ترى نزلت بوست في مدونتي اقرأي الخاطرة قالت طيب … قرأتها .. كان تناديني تسألني مين كتبها
اتحطمت قلت لها أنا ايش رايك قالت مرررررررررررة رووووعة وحلوة مدري ايش قلت شكرا 🙂 في الليل قابلت عابرة على المسن واعطيتها الرابط كان تقولي انتي كتبتي سأكون حنين ليش يا جماعة مو متوقعين مني يعني حطموني :mrgreen: لا يكون حتى أنتو

Advertisements

13 تعليق to “ما يجي مني ؟؟”

  1. esraa.$ Says:

    إلا يجي منك

    و الله ما يستحوا

  2. الــ ~®][§][ PrinCe ][§][®~ ™ نــــواف Says:

    هعععععععععع

    روز قولي بيني وبينك من وين سارقتها ..

    ما ابغى احطمك 1666

    عشان مطلعه عيني بس

    لا من جد روز ابداع .. ما شاء الله تبارك الله

    بس مو يصيبك الغروور ما عاد تكتبي

    نبغا شي احلا من كداا 🙂

    تشاو تشاو

  3. الفيلسوف Says:

    ؟؟؟ من جد انتي اللي كاتبتها ؟؟؟؟؟ ………….. 🙂 أمزح أمزح
    المسألة لا تتعدى اكتشافهم لشيء كان خافٍ عنهم ولا يعني ذلك انعدامه من الأصل أو ظهوره بشكل مفاجئ
    النابغة الذبياني كمثال يقال أنه نبغ فجأة بالشعر
    أعتقد أنه فقط كان مهملاً من قبيلته 🙂 أو أن كلامي مجرد هراء
    بانتظار المزيد من الكتابات

  4. rose1990 Says:

    أهلين إسراء
    الله يجبر بخاطرك يااارب
    🙂
    منورة

    ….

    نواف
    ما حأتحطم 1666
    مطلع عينك << نصااااااب 😛
    تسلم من ذوقك 🙂
    منور

    ….

    أهلين يا دكتور
    الحمدلله انك تمزح والا حأكتبك في الديث نوت << :mrgreen:
    الله يخليك ويجبر بخاطرك يارب
    أنا اتقارنت بالنابغة 😳
    تسلم والله
    منور
    🙂

  5. ayaneeq Says:

    يجي ونص..
    اخصريكي منهم ..:)

  6. Lost Soul Says:

    أهلا روز

    هي الخاطرة مرة حلوه، بس، فيه مشكلة بسيطة،
    اني لقيت من وين انتي مشلحتها !

    واذا ما دفعتي لي مقابل السكوت،، بنزّل الرابط ! P:

    << عيني عينك الرشوة ،، لول

    لا ما شاء الله مره حلوه الخاطرة، ليش ما تجي منك ؟؟ 🙂

    وترا طالب الطب توه ما شاف ديث نوت، لا تحرقينه عليه P: ،،

    واصلي الكتابة 🙂

    تحياتي
    في أمان الله

  7. الفيلسوف Says:

    طالب الطب
    وشو يعني اني تغلط علي
    يا طالب الحاسب يا المشغول
    :p

  8. mbet0hm Says:

    روز

    لا لا انتي مبدعه ،، بس احسك دافنه مواهبك ,, واحسك تخافين من انتقدات الناس ..
    خليك قوية وماعليك من احد وبتكونين احلى مبدعه باذن الله …
    🙂

    استمري ونحنوا نشجع >> تنفع هالجملة تكون شعار خخخخ

  9. Lost Soul Says:

    طالب الطب،، أفا و أنا ،، أنا ! أنا طالب الحاسب ! ،، أغلط على طلاب الطب ،، ما بالك بطالب الطب ،،
    اسف اسف،،
    مشغول،، لا ابدا،، تعرف احنا طلاب الحاسب نصابين وفاضين بس عشان نسوي ان دراستنا صعبه، نقول مشغولين، موب زيكم يعني،
    طلاب الطب،، محد يقارن نفسه فيهم،، فـ هم يعني،، ارفع من الكل والجميع ،،
    والا انا غلطان ؟؟

    P:P: ،،
    عش في احلامك السعيدة،، يا طالب الطب P:

    معليش على المداخلة يا روز P:

  10. عبدالله الاسمري Says:

    يجي منك اكثر ….بس محتاجة للتشجيع ….يعطيك العافية والخاطرة جميلة

  11. rose1990 Says:

    أهلين أيانيق
    تسلمين ونص 😀
    الله يخليك ويسعدك
    منورتني

    ….

    أهلااا ياطالب الحاسب << ما تقلد
    مو المفروض انك تذاكر 😎
    نجوم السماء اقربلك << صدقت انها سارقتها 😐
    الله يسلمك يارب 🙂
    أنا عبالي الكل شافوه أفكر في شغلة نذالة 😈
    منور
    🙂

    ….

    طالب طب وطالب حاسب << صارت تهزيئ 😯
    ها دكتور كيف اختباراتك 🙂
    منور

    ….

    أهليييين مضيعة
    الله يفرحك ويجبر بخاطرك 😳 😳 😳
    سوي للشعار بنر هع 😛
    عجبني 😀
    منورة ياعسولة

    ….

    أهلا مرة ثانية يا طالب الحاسب
    خطيير ردك
    وين الدكتور 😈
    قصدي طالب الطب :mrgreen:
    ….

    أهلين عبدالله
    الله يسعد قلبك يارب ويعافيك
    تسلم على المرور منور
    🙂

  12. الفيلسوف Says:

    مرحبا طالب الحاسب
    ما عندك اختبار مشروع تصميم خوارزمية تكد وراها
    يعجبني فيكم الدور اللي معيشين نفسكم فيه
    وكل ما كانت مشاغلكم أكثر واختباراتكم أشد كل ما كنت المطاعم والقهاوي مليانة منكم 🙂
    انتبه على دراستك يا ابو دراسة
    <<<<<<<<<<< ضحكة شيطانية

  13. من باب الأدب (لاأكثر) -2- « Flowers Revelation Says:

    […] لازم الناس يثبتون انو يجي مني أمس دخلت ثلاث منتديات ماخذين خاطرتي سأكونـ حنين […]

التعليقات مغلقة.


%d مدونون معجبون بهذه: