مزاج


اليوم أوقن أنني لن احتمل !!
اليوم أوقن أن هذا القلب مثقوب ومجروح ومهزوم
وان الصبر كل …
وتحول لجة حزني المقهور .. تكشف سوقها كل الجراح وتستهل
هذا أوان البوح يا كل الجراح تبرجي
ودعي البكاء يجيب كيف وما وهل
….


صاير مزاجي غريب جدا …. صرت أهوى التناقض الغريب في بعض الأمور من حياتي … ومزاجي مرة رايق وغرييييييب وبس ابغى اقرأ شعر :mrgreen: ونفسي اتكلم ولما ابغى اتكلم ابطل يصير نفسي اسكت محد يكلمني اليوم كله … وأحيانا من كلمة وحدة اقلب الدنيا و أعصب ….. وبس ابغى أحس بألم في جسمي .. انجرح انخبط انكسر اي شئ بس ابغى اتألم …. أحس لو تألمت حيخف الشئ اللي في نفسي اللي الى الان مو عارفه ايش … حتى نومي اتعمدت الخبطه انام النهار واصحى في الليل واجلس الى الظهر بس عشان يكون فترة البيت هادئ وأوقات مرة اطفش ونفسي البيت كله يصير رجة وازعاج وزحمة .. في الفترة الاخيرة صرت استمتع اني اتكلم مع نفسي و أفضفض من نفسي لنفسي … لأني ما أخاف من نفسي 😦 أقدر أكون صريحة وواضحة وفاهمة نفسي مزبوط …. المزاجية مرة متعبة ومملة و تهلك الروح … و لما ما ألقى أحد يفهمني أحس بقهر طيب لييييش ؟؟!! 

حتى المدونة صايرة ما أعرف اكتب فيها  … اتردد حتى في اني افضفض فيها … مو أنا حرة فيها ليش ما اكتب طيب    في أحد معاه جلكسي يا جماعة ..؟؟

بلييز ما ابغى حلول بس ابغى اتكلم

Advertisements

4 تعليقات to “مزاج”

  1. الــ ~®][§][ PrinCe ][§][®~ ™ نــــواف Says:

    شوفي يا بنتي

    انتي اول شي ابطلي جلكسي 🙂

    ثاني شي لا تكلمي نفسك كثير

    24 ساعه جالسه لحالك ومقابله الشاااشه حتى داك اليوم ارسل لي الكمبيوتر حقك رساله على الايميل يقول ترا طفشت منهااا خخخخخخخخخخخ

    روز نصيحتي من جد غيري شوي بحياتك

    اجلسي مع اهلك مع اخواتك زوري اهلك الثانين << اعجبتني الثانين ومين الاولين

    في اشياء حلووه الواحد يقدر يسويها

    اكتبي خواطر مو لازم بالمدونه خلي عندك نوته خاصة يمكن يجي يوم وترجعي تكتبيها هنا

    ربي حمااام D: بس اهم شي ما يكون فيهم انفلونزا هعععععع

    يالله وشدي حيلك يا نمله << ما نسيتها ترااا

    تشاو تشاو

  2. esraa.$ Says:

    نفس الحاله إللي مريت بيها

    ترا إنتي بتمري بحالات كتير أنا مريت بيها بعد ما أتخرجت

    عموماً لما تعدي دي الفتره ،،، بعدها بفتره حتشتاقيلها

  3. أنين Says:

    الفراغ هو المشكله والملل هو أساس الامر كله
    تحسي ان مافي شيء ممكن تسويه اليوم مثل بكره
    والي بعده نفس امس . لهذا السبب مزاجك متغير
    كل شوي او تحسي بلحظات انك ما تدرين ايش الي تبغينه
    وليه تعملي كذا . هالاشياء يمر فيها كثيرين
    وتأكدي انك مو لحالك بهالشيء
    كتاباتك مو لازم تنحصر على المدونه
    اكتبي بالنوته الي بالجهاز او اشتري دفتر لمذكراتك مثلا
    او حتى اكتبيها ملاحظات بالجوال انا دائما اعمل كذا
    حاولي تقرئين اذا كنت من هواة القراءه اطلعي مشاوير
    اجتمعي مع صديقاتك حاولي تغيرين ممكن وضعك يتحسن او يتغير

    اتمنالك التوفيق .
    وان شاء الله يتغير هالاحساس معك 🙂
    تحياتي . أنين

  4. rose1990 Says:

    أهلين يا بابا
    لا ما حأبطل :mrgreen:
    بلا بكش اصلا صرت ما عد اجلس زي اول 😀
    بالنسبة لجلستي مع أهلي أنا أجلس معاهم بس صايرة مرة استثقل الطلعة من البيت بس بعد الإختبارات في فبالي مشاريع زيارات مكثفة 🙂
    إن شاء الله
    بالنسبة للكتابة يمكن عندي اكثر من 7 دفاتر كلها مذكراتي و مازلت اكتب وكثير ما اطلع اللي فقلبي بس الأيام هذي اصلا الكلام ما يجي لأني ما أدري ايش اللي مضايقني بالزبط :/
    ربك يعين
    حماااااااااام ما أحبو 😀 لو نمر ممكن أفكر في الموضوع 🙂
    حشد حيلي وربك ييسر ان شاء الله
    ومن غير نمل وبطيخ :@
    شكرا 🙂 منور

    ….

    إسراء
    لما اقرأ كلامك مرة أحسك تواسيني وارتاح لأني أحس اني طبيعية أنو عادي في ناس مرو باللي أمر بيه
    الله يسعدك ويوفقك يارب 🙂
    منورتني
    🙂

    ….

    هلا بأحلى أنين
    هوا دا الفرااااااااااااااااغ بيقلتني
    وأنا اكتب في كل مكان حتى أحيان في يدي من باب التغير 😀 وعندي نوتة خاصة فيا وإن شاء الله ربك يسهل ويعين … وبالنسبة للقراءة كل فترة تلقيني مسنترة في جرير :mrgreen: وعلى فكرة إن شاء الله قريب حأقرأ رواية أنتَ لي وحأقول رأيي فيها تسلمين يا قلبو
    الله يخليكي ويسعدك يااااارب
    منورة يا عسل
    🙂

التعليقات مغلقة.


%d مدونون معجبون بهذه: