مذاكرتي

قررت إني أعيد البوست وكل ما حأكتب أربع كلمات ونص اعمل حفظ ونشوف اذا طار الواجب مررتو الحبوبة نجوو عن طقوس المذاكرة … تيب نبدأ إجابات

س1/ ما هو الطقس الذي تفعله عندما تذاكر؟
جـ 1/مافي شئ مميز لازم اسويه وأنا اذاكر غير اني كل مذاكرتي وحل واجباتي كلو على السرير وياما تهزأت كتبي من أخواتي لما كانو صغار مرة ما كنت أتحمل اليوم كلو على الكتاب يكفيني خمس ساعات في اليوم وبينها فواصل إعلانية في ثالث ثانوي كنت أختم المادة قبل الفجر و بعدين اجلس على النت عشان أشوف الأسئلة وأجلس أراجع المادة منها .. ما أحب حركة الإنذارات اللي تصير في الدنيا عشان الاختبارات قربت أحسها تربك أكثر مما أنها تنفع ..

أتذكر أختي مرة قالت لها صاحبتها أنو أمهم تشيل التلفزيون عنهم وتخليهم في غرفتهم بس يذاكرو وما يسون حاجة وتخاصمهم المهم جات أختي قالت لأمي هذا الكلام وأنو ليش ما تعمل معانا كذا وأمي من النوع ما تحب هذا الشئ تخلينا براحتنا وقت محنا حابين ودايم تقول هذا مستقلبكم أنتو اللي تهتمو مو أنا .. المهم بعد ما قالتها أختي أنو ليش ما تعمل كذا معانا قامت قفلت على التلفزيون و صارت كل شوية تقول يابنت قومي ذاكري بس بتجرب يوم واحد و بعدين راحت أختي تقولها رجعي التلفزيون وبعدها بطلنا فلسفة

2س/ متى كان أصعب امتحان مر عليك؟
جـ 2/ امممم كل إختبارات ثاني ثانوي لأني كنت مررررررررررة كسلانة والإختبارات كلها دخلتها وأنا بس اقرأ المادة مرة وحدة أحسها سنة ما تنحسب لاني الكسل بجد كان مو طبيعي و كمان في ثالث ثانوي الجغرافيا كان شوية صعب لأنو أصلا المنهج يرفع الضغط بس أحلى حاجة أنهم جابو خريطة أمريكا كانت مرة سهلة وأنا حافظتها من ثالث متوسط لما شرحتها لنا أبلة مريم كان شرحها مررة خطير بس دفشة في التعامل و لسانها متبري منها أتذكر كانت لما البنات يتكلمون في وسط الحصة كانت تقول أقول انطمو وكانت لما تبغى تطلع على نهاية الحصة لازم نتكلم أبلة أروح أوديلك الخريطة أبلة لك كم سنة تدرسين أبلة مين أحسن إحنا والا البنات اللي درستيهم أبلة انتي ليش اليوم معصبة << من جد لقافة

س3/ ما هو أطرف فعل فعلته أيام أمتحاناتك للهروب من المذاكرة؟
جـ3/أشياء كثيرة أسويها تحلالي الأخبار و الطبخ وتحلى الجلسة مع خالتي وأمي بس في النهاية مالي مفر منها

واهو خلصنا الحل أهم حاجة النسبة << تعقدت إن شاء الله يكون الحل تمام يا أبلة نجوو

زمان ما مررت واجبات على أحد لكن عادي نمرر ليش لا حأختار ناس عندهم إختبارات عشان يكون الحل أسهل << مخ ماشاء الله أوكي أمرره على

ياقلبي ابتسم لوست سول ليان الفيلسوف وكل بنوتات منتدى جامعة عزوز عادي لو ما عندكم مدونات حلوه في الوناسة

وبما أنه عندكم إختبارات الآن إذا فضيتو حلوه أو بعد الإختبارات 🙂 الله يوفق الجميع يارب

 

Advertisements

3 تعليقات to “مذاكرتي”

  1. NjOoo Says:

    صفقووووولهاااا يابناااات 😀

    برافوا عليك ياسوووكر ^_^

    وشفتي كيف بس الجغرافيا صعبببه ..احم 😉

    يالله موفقه يااارب

    (F)

  2. rose1990 Says:

    أهلين يا أبلة 😀
    ابغى نجمة :mrgreen:
    الله يسعدك يارب
    منورتني
    🙂

  3. عبدالعزيز من الرياض Says:

    ما شاء الله تبارك الله

    الله يوفقك يا رب

التعليقات مغلقة.


%d مدونون معجبون بهذه: