الفراغ

 

تعيشي ليا يا حبيبتي يا أمي ويدوملي رضاكِ

دا أنا روحي من روحك أنتِ وعايشة من سر دعاكِ

بتحسي بفرحتي قبل الهنا بسنه … وتحسي بشكوتي من قبل ما أحس أنا

يااارب يخليكي يا أمي يا ست الحبايب يا حبيبة

الله يخلي لي أمي ويخليلكم أحبابكم وكل من تعزوهم يارب 🙂

الفراغ والروتين سرطان العقل يخلي أيامنا مرة مملة ممكن الروتين ينقدر عليه لكن الفراغ حتى لو ابغى اسوي حاجة في اشياء تعيقني عنها يعني الأول مترتب على الثاني اذا ما سويت الأول ما حأسوي الثاني والأول الى الآن مو راضي ينتهي ويجي

وإن شاء الله بعد الحج حتسلى شوية حأسجل في كورس لمدة شهر هذا اللي مصبرني ومخليني أأجل فكرة الإنتحار

وفي خبر نقول ان شاء الله يتنفذ زي ما ذُكر عن خطة لتخفيض نسبة التلوث في جدة بنسبة 50% في الأشهر الجاية طبعاعلى رأس القائمة تنظيف الشواطئ اللي تجيب الهم رابط الخبر

على فكرة … صحيح أنه الأمير خالد الفيصل بيمنع لبس الأثواب المطرزة والمسحبة وإلا إشاعة مغرضة

Advertisements

4 تعليقات to “الفراغ”

  1. محمد بن سالم Says:

    الله يحفظ لك الوالده و يخليكم لبعض..

    الفراغ جدا سيء بس كويس انك سجلتي في كورس..اتمنى لك التوفيق.

    صدقيني اشاعه..وكل واحد حر في اللي يلبسه..

  2. mbet0hm Says:

    ههههههه انتي كما راح تنتحرين 😦 مشكلة الفراغ وربي ..

    خلاص ياروز حاولي تسوين اللى قتلك عليه صدقيني راح تنشغلين كثير ، وشيلي الفكرة من راسك ترى تشيب شعر راسك الله 🙂

    وحاولي كل مرة تسجلين باشياء تستفيدين منها وتتسلين اكثر واكثر 🙂 والله يجعل ايامك كلها سعاده ..

    اما حلووة بيمنع الاثوبة المطرزة بس مادري اذا اشاعه او صحيح 🙂 ..

  3. esraa.$ Says:

    سؤال

    إيش حكاية خالد الفيصل دي

    ما شاء الله هو دا إللي ناقص علينا ، ما بقي إلا يلبسونا على كيفهم

  4. rose1990 Says:

    أهلين محمد
    اللهم آمين ويخلي لك كل أحبابك 🙂
    يلا الحمدلله إن شاء الله أستفيد تسلم والله
    وأنا برضوا أقول يمكن إشاعة لكن ماتدري مشكلة لو مو إشاعة 😦
    تسلم على التعليق منوور 🙂

    …..

    هلا والله مضيعة
    ولا يهمك يا ستي بحاول قد مااقدر لأني بجد الوضع مرة ما يخارج
    اصلا حتى لو مو اشاعة محد حيطبق القرار نقصت مشاكل جدة وجات على اثواب الشباب
    ربك يعين
    منوورة يا عسل تسلمين
    🙂

    أهلين إسراء
    واللهي معرفشي ايش حكايته بس في كم قرار كذا مرة غريبة أحسه مو فاهم أهل جدة صح لأنو مستحيل قرارت زي كذا تمشي عليهم يعني زي حكاية الأثواب هذي من زمان موجودة مو انها طلعت الآن بس مشي حالك مااظن انه من جد القرار
    منورة
    🙂

التعليقات مغلقة.


%d مدونون معجبون بهذه: